2014/01/19

A temperie dun ano segundón

Si, 2013 foi un ano segundón en temperie. Por exemplo, despois de estar case toda a duración anual marcando o ritmo en precipitacións altas e temperatura baixa, non foi nin o máis chuvioso do śeculo nin o máis frío.
Na gráfica vése claro: de finais de xaneiro/comezos de febreiro, cando despegou forte, ata novembro, marcou diferenzas coa precipitación caída anos anteriores do século, para quedar ó final como segundo ano do século en canto a esta magnitude: 1 277,5 L/m2, un pouquiño por tras do 2006. Xa digo, a pesares do inverno excepcionalmente chuvioso e a primavera moi chuviosa asemade. A 'culpa' disto hai que atribuírlla ó outono, aínda que tampouco marcou un tempo de seca.
A precipitación media anual no século queda aproximadamente nos 960 L/m2 en Ribadeo
Pasemos á temperatura:
En canto á temperatura, tamén quedou por riba dos 13,56 ºC de 2010, pois acadou 13,69 ºC. Na gráfica vése que estivo boa parte do período marcando a temperatura media infeiror no século, sen ter días excepcionalmente fríos, pero si tendo unha primavera de días en xeral fríos, e un final de outono temperado. A temperatura media do século queda así xusto por baixo dos 14ºC na nosa vila.
Outra magnitude a considerar debido á súa importancia no fin de ano, o vento, segue tamén en plan segundón:
O ventos rápidos continuados dos últimos días do ano lograron encaramar a gráfica anual a posicións de cabeza, pero só acadou ata o cuarto posto dentro do que levamos de século.
--
Esta entrada participa na XLVIII Edición do 'Carnaval de la Física', mantido por @monzonete en La Aventura de la Ciencia
El Tiempo en Ribadeo - Predicción a 7 días y condiciones actuales.