Seguindo coa meteoroloxía de 2021, despois das temperaturas, incluídas máximas e mínimas, e seguindo o mesmo esquema que o ano pasado, analizo de xeito somero os datos da chuvia caída na estación meteorolóxica Pedro Murias.
O pasado ano foi relativamente chuvioso, chegando a 1137 L/m2 cando a media no que vai de século quedou en 986 L/m2. Só 5 anos dos 19 considerados para a media (o primeiro a estación meteorolóxica non funcionou na súa totalidade) tiveron máis chuvia que 2021.
![](https://blogger.googleusercontent.com/img/a/AVvXsEjwWpwsx28tKdMYUoZxIzf_CwY8zf6BFSWHSjMKKJo0yLd2mEDcRnVBm2JIUbaNOwewzRQDL38qX8Wvd0EvEgq_5ff5HUPKnmy56mlXbagMsY2U0ZQt3iGFj0mpW-GvHeozRl0CTqoHlAMsd2taz57um3C9w4XNzVUl9M1T3Y9E2-6K6-LVEQ=w640-h42) |
Táboa 4.1
|
A táboa amosao dato correspondente ó resume anual como novidade, mais se se compara o resto coa táboa do ano pasado, as variacións nas medias son pequenas, como é lóxico por representar só pouco máis do 5 % do valor da auga caída no que vai de século.
![](https://blogger.googleusercontent.com/img/a/AVvXsEibtFi7dtpOp7vXATYEmZYGJNopuO5EafWfFsh27E1Bcms8b02BMQivV13_leZupc5d9uN8SMS5enBYV_Sns_9iDyI6qQ28SJymOzrWyvFNcf3wohw_o5dp_HAxnreiJQOT7raqNaLbY8Nj8_ID3cII7lOSQxrS73uvfUid6JxKTFKsmbnmog=w640-h362) |
Gráfica 4.2b
|
En consecuencia co anterior, o gráfico de resume das medias de auga caída non se diferencia grande cousa do do ano pasado, teno o perfil de chuvia en Ribadeo unha zona de máis caída de auga no outono, e de menos no verán.
![](https://blogger.googleusercontent.com/img/a/AVvXsEhp2mHjW0iL9GbTdCsVNx7J7FTjb9krU4TaUJUnhX8WodQuQu58tgTJgtPw3tg8w2IStFLV5Ee2fMoaLjGLPeVeJUEDjnJykxkoYdVaIw3wnx4ImkmHLeRS7-APgojUrOsA7Aiu5RpiDsP4zeaBzuUI5RTNlFqQQgwsCO8zAQd6Mo6I1CbERA=w640-h364) |
Gráfica 4.2a
|
Fronte ó anterior, o ano pasado non variou moito o típico, se ben nótase algo que se ven acentuando dende anos atrás, a concentración de choiva en certos días e tempadas.
![](https://blogger.googleusercontent.com/img/a/AVvXsEhWuteW10QhTBP1NdzjV9QT0id1Nr1KQC6SGjSpXyl6-KKiU00GWZG3KdqwUyJiy5lN4DP4yi224LSdJfMsu-8j-8jDO1AUiUicC4BnjsnCPyOam4-n44fkx1PmHXTXNVKehKQ2QG5MtwljhYC-hlM_bcTawnWdzml8jtDMOFto6NvmVshBnQ=w640-h360) |
Gráfica 4.2c
|
Resalto nesta gráfica os datos de 2021 e 2020 para amosar o diferente perfil, con 200 L/m2 máis o ano pasado que hai dous anos,diferenza lograda basicamente nos meses de xaneiro-febreiro, moito máis chuviosos no 2021, e cun perfil moito menos suave que no 2020.
![](https://blogger.googleusercontent.com/img/a/AVvXsEiq9hFecy7gXfOXPUjnhW3QMwKPV1bxeVYEh--NEc-1Oq2qI5MYct7AzMDl9O_cJFpnPoGgY3eJgUl3IyV4rGYXYWOvJbIPNMHbvd614CgRj4qlY65IQ0e9yDN-GftSutH55BdPRRRhl0YnULgqNxuEoVPzFGLwl0V_wElhr6uWBaCmY4Up0w=w640-h360) |
Gráfica 4.2d
|
Como xa comentaba o ano pasado, a tendencia de chuvia parece ser a aumentar, aínda que de xeito polo momento tan tenue como pouco significativo estatísticamente [o coeficiente de x é pequeno, correspondente a un aumento de 3,47 (L/m2)/ano, e R2. tamén e pequeno, correspondente a unha baixa representatividade do axuste da ecuación de tendencia]
![](https://blogger.googleusercontent.com/img/a/AVvXsEibNC4UQ-5oIX0tZDkPafFDG7CROyWGrNFG9ggwU260O_4XnrraoMLHqRntyODhyIqUFEUbDmaR15hyrrmX51f4_QKHpyIsnDxvdNc0r0_cDRWNXB4H273qQrAJOQTPwAUnHqT5jidLYl6Mc4RDofgEByKIUduVsJaOkpFilYmrJtGQw4Ysiw=w640-h374) |
Gráfica 4.3a
|
A gráfica anterior e a seguinte corresponden de xeito moi aproximado, como xa comentei, á mesma distribución que anos anteriores, representando o máximo de chuvias no outono e no inverno, coa estación máis seca no verán.
![](https://blogger.googleusercontent.com/img/a/AVvXsEjwWKtRqFZeEC3EuxmyW4c5CFwCSbhdjn0pFK2SMQUftrG-4VnhcSIcv_bo8RWcDonzbBvuS8A_6FHZTm1GZg5nttEf92H_pLJgt2N2jUSGPEwjVmb_ZGIY_9onHhZxIqI7KOreiYHXR3G5FcvJfRamxtYJnyJ3P-lxe_0xOnWVvxe2wvAqcA=w640-h582) |
Gráfica 4.3b
|
En anos anteriores non fixera o desglose de chuvia de xeito semanal, que deixo abaixo e que pouco engade á distribución mensual, pois a información extra que podía haber tamén se ve emborrataxada por ser menos cantidade de datos por cada comuna, e polo tanto, maior posibilidade de variación estatística.
![](https://blogger.googleusercontent.com/img/a/AVvXsEiKYFbZlU2HTfDA7IuzSg133rTRHgP-_ULxphn3Z5DpTNkGhiP4uKCp0yvby_0bzTeCvs38Q6pa5zUR0mbBZDmBuJ0rN4S4eZrTIgMhWKlh53KAKIhcxRfsjCx5SS-It6CpeJpxVpe2Dbei2hTpCAxbKBnvnhYWRGuzjBVYC75PGOnWllhyZQ=w640-h354) |
Gráfica 4.3c
|
Unha curiosidade é a distribución da chuvia que cae ó longo dun día. De media, pódese ver na gráfica a continuación que non hai diferencia aprezable de chuvia caída a unhas ou outras horas: a curva é case recta.
![](https://blogger.googleusercontent.com/img/a/AVvXsEjRLfG0pMh-2Cmr3UhogRA1C_GjbCcYeXkyqCqr5IGTPurlyl2ClRYDL0ps4-mxFXsBXtNpmwrwKwqSQ9CX9buPoJmbX67hEpDzij1Cz9gv92W-ZEVQFwx9sXJvVGW12Z0kNmLyVSz8mEfL9YRq55SLDY0OuXyiYtUzPJWMBPIx-ZSGBP82YA=w640-h600) |
Gráfica 4.4a
|
O agrupamento da chuvia nuns poucos días, en contra dun réxime de chuvia máis uniforme como é tradicional, é algo que din se está a converter en tendencia, mais en Ribadeo, aínda que hai a percepción de episodios de fortes chuvias de xeito cada vez máis frecuente, as estatísticas polo momento non permiten asegurar dita tendencia. A iso veñen as seguintes gráficas:
![](https://blogger.googleusercontent.com/img/a/AVvXsEgYP7cDnQRWU_86kVK6kbLoyRfPPnWcPsxIdJlLZ-2slIkA5Me3COqOxlK7ADn6_poyNpU1QbjI5XrkEcJUmJIrG55oB4nXxR56rv2lHHYPTKeRs0d1gr9g_l-Z0tz0j7jERLLzYcE9x4OKQW3zdR6mkLy6_Fh914M9hNyYm65uFKFI0cwp_Q=w640-h358) |
Gráfica 4.4b
|
A anterior indica que o número de días de choiva o ano pasado foi de 156, destacando só un ano por baixo neste século (2004) a pesar de ser un ano relativamente chuvioso. A media de días con chuvia no século é 11 días máis: 167 (case o 46 % dos días). Iso indicaría que a chuvia se concentra en menos días, mais a liña de tendencia indica máis ben unha leve suba do nḿero de días de chuvia ó ano. A gráfica a continuación, a concentración de días con máis de 25 L/m2 de chuvia caída, tamén indica que houbo máis días con esa característica en 2021 que en anos anteriores, pero a liña de tendencia (ademais, cunha aproximación moi pobre, como indica o pequeno R2) volve a dicirnos que a tendencia é a que o número de ditos días se manteña ou diminúa.
![](https://blogger.googleusercontent.com/img/a/AVvXsEhhUL9ks1UUakF3rvqP3y47MPpRp0_BhbmIZ8rz-Y38uUzUyJcjQBUwQmMtMlF5wCDTDKnAzmVaoBcVemeXKJvrz82XgxMbjFUfsBfSHtuvaWRK-KwTNHWZtgbtA7AJ3UwJiJNPyN3y-CT0YM9dukDP_KTcXDZVUqpfuyF070paX1UFDzVx-Q=w640-h358) |
Gráfica 4.4c
|
Ningún comentario:
Publicar un comentario