Un vello libro, un novo pracer: Richard Feynman e O carácter da lei física

 

Feynman foi, no seu momento, un descubrimento para min. Hoxe volve selo, ó ler un libro que tiña aparcado dende hai moito para a súa lectura: a edición que rematei é de 1980, ano no que me costou 750 pts. Valía iso e máis, contradicindo a cita que atopo ó comezar ler un novo libro: Nowadays people know the price of everything and the value of nothing (O. Wilde, The picture of Dorian Gray)
Apuntei no seu comezo, cando xa me deixara embriagar: un libro para deleitarse comprendendo. E é que as conferencias ditadas en Cornell por Feynman no 1964 son, para min, unha obra de mestría didáctica sen menosprezar a literatura que levan consigo. Poucas cousas novas me descubriron: ó fin, é divulgación de hai máis de 50 anos. Pero sería mentir o tomar a frase anterior ó pé da letra, pois as imbricacións de ideas, métodos... que fan medrar na cabeza son tamén novidade, máis sutil que o que podan ser novedosos conceptos independentes.
Apunto noutro lugar: 'parece que fala do software libre', cando está a falar do que supoñería un desenvolvemento teórico da astronomía na época maia. Apunto tamén a substitución de intereses dunha ciencia para outra segundo van acadando unha certa maioría de idade e vexo o punto álxido de descubrimentos en física e a baixada de matrículas universitarias na disciplina, ou lembro que hai varias aproximacións diferentes á lei de Newton, cando vexo tres, que xa coñecía, pero que non as vira en conxunto dun xeito nídio ata o momento. Anoto parágrafos que serían convenientes para os meus alumnos... e para min.
Un pracer e un desfrute de coñecemento.
--
Esta entrada participa na edición LXIII do Carnaval de la Física/Antroido da Física. Blog anfitrión: El mundo de las Ideas.

Apoio á liberdade de datos como fundamento para a liberdade (de investigación, pero non só)

Ás veces, as leis naturais sofren constricións non por outras leis de tipo natural, ou a súa aplicación vese entorpecida non por dificultades técnicas, senón por leis humanas.  Coido que tal tipo de restrición debera ser mínima, contemplando só como freo continxencias de forza maior. A declaración de A Haia (The Hague Declaration on Knowledge Discovery in the Digital Age) tenta garantir un mínimo de contemplación desa idea. Aínda non a refrendaches? e a túa organización?

Un traballo xa vello: Selectividad de Física-LOGSE en Galicia: un resumen de 5 años

https://www.scribd.com/doc/267756200/Selectividad-de-Fisica-LOGSE-en-Galicia-Un-Resumen-de-5-Anos é un traballo feito polo grupo de traballo de Física nas PAAU e presentado ó congreso de ensino da física en Sevilla no ano 2001. Apareceu nas actas do mesmo (polo que parece, por un erro, sen o meu nome...)

Próxima actividade: día da ciencia na rúa

Despois de realizada a feira da ciencia, a próxima actividade prevista: a participación no XX día da ciencia na rúa, o 9 de maio na Coruña:

Anunciando a feira: XXI Feira da Ciencia de Ribadeo

http://feirasdeciencia.mywikis.net/wiki/XXI+Feira+da+Ciencia+de+Ribadeo
Noutro lugar: https://tentandoeducar.wordpress.com/2015/03/27/anunciando-a-feira-xxi-feira-da-ciencia-de-ribadeo/ ... e carteis propostos: https://tentandoeducar.wordpress.com/2015/03/22/un-pouco-de-colorido/

Actividades para a Eclipse de Sol de 2015 en Ribadeo

En tres fases:
1.Aviso

Nota de prensa

20150314

Actividades para a observación da eclipse de Sol en Ribadeo

O próximo mércores 18 de marzo a AVV O Tesón ten previsto usar o salón de presentacións da Casa das Letras para realizar unha charla sobre a observación da Eclipse de Sol do 20 de marzo. A charla será a partir das 20:00 horas.

Falarase do que é unha eclipse, as características da eclipse en Ribadeo e os métodos de observación, habida conta que mirar ó Sol, con ou sen eclipse, sempre é un perigo para a vista.

A charla será a preparación para a observación da eclipse, e será impartida por Antonio Gregorio Montes.

Como adianto, dicir que o comezo da eclipse será ás 9 e 7 minutos , e a fin, ás 11 e 20 minutos, despedíndose a eclipse de Galicia. O máximo será ás 10 e 11 minutos, momento no que as tres cuartas partes do Sol non se poderán apreciar.

Aínda que está prevista a observación por un grupo de coñecidos, a asociación non organizará unha observación dirixida pola dificultade de mantemento entre a xente de condicións óptimas que non danen a vista e a responsabilidade que leva consigo.
2.Preparación
Diapositivas usadas na charla: http://www.slideshare.net/Agremon/a-eclipse-de-sol-de-20-de-marzo-de-2015-en-ribadeo

A eclipse de sol de 20 de marzo de 2015 en Ribadeo from Agremon

3.Despois de
En Ribadeo pasou a eclipse 'sen pena nin gloria'.Nin unha nin outra,porque non se viu. Os estratos de nubes sobre a vila, movidos por un zumbón vento nordés, só permitiron observar pouca luz: unha diminución lixeira ó comezo, pois o Sol aínda estaba baixo, e unha claridade máis aprezable despois, xa co Sol máis alto e coa mesma nubosidade.
A próxima eclipse de Sol en Ribadeo? En agosto de 2017, veremos unha minieclipse onde o Sol quedará reducido só un 12%.
As de Lúa, máis frecuentes, terémolas tamén máis preto: o 4 de abril haberá unha, pero non será visible dende as nosas casas. A que si será é a da madrugada do 28 de setembro, en seis meses. Total, como moitas das eclipses de Lúa. Unha animación dende https://upload.wikimedia.org/wikipedia/commons/7/78/Animation_September_28_2015_lunar_eclipse_appearance.gif

Noutro blog: Preparación para esta eclipse de Sol
A eclipse de Sol de 2005
--
Posterior: http://www.gciencia.com/apod-galego/unha-eclipse-dobre-de-sol/ :

Enfocando xa a Galiciencia 2015

Atopo na rede a seguinte información (que completo con ligazóns):
1.
Galiciencia
Feira científica de Galicia
mércores, 18 de novembro de 2015 ata venres, 20 de novembro de 2015
San Cibrao das Viñas (Ourense)
A Galiciencia é a maior feira científica de Galicia. Está patrocinada pola Consellería de Economía e Industria e a Fundación Española para a Ciencia e a Tecnoloxía (Fecyt) e celebrarase no Parque Tecnolóxico de Galicia-Tecnópole os días 18, 19 e 20 de novembro de 2015. A estrela da feira é a exposición de proxectos de investigación e innovación presentada por equipos de estudantes de todas as idades, desde Primaria ata Bacharelato, acompañados polos seus profesores. Arredor dela, organizaranse tamén actividades paralelas, como obradoiros e espectáculos, relacionadas co Ano Internacional da luz e das tecnoloxías baseadas na luz.
O obxectivo principal da Galiciencia é servir de punto de encontro para rapaces e rapazas con ideas innovadoras. A posta en práctica do método científico, o traballo en equipo e o desenvolvemento de habilidades para expoñer os seus proxectos ao público son algunhas das aptitudes que os participantes melloran grazas a esta actividade.
Desde mediados do mes de abril ata final do curso escolar organizaranse tamén cursos especializados para profesores en centros de toda Galicia, co obxectivo de capacitalos no método científico, de maneira que poidan apoiar os seus alumnos na preparación de proxectos para participar tanto na Galiciencia como noutros certames. As inscricións neste curso, que terán lugar en horario de tarde, xa están abertas
Máis información nesta ligazón
2.
CURSO PARA PROFESORES:
Método científico
¿Pode un alumno investigar? A resposta é que sen dúbida si. O curso ten como obxectivo ofrecer ao profesorado unha formación específica para introducir a investigación na aula como ferramenta educativa. De carácter eminentemente práctico, reproduciremos todo o proceso investigador asumindo o rol de alumnos a medida que introducimos os contidos relativos a cada un dos aspectos implicados na tarefa investigadora.
Aínda que a percepción social da investigación está moi ligada aos ámbitos científico e tecnolóxico, a investigación pode integrarse en calquera materia, polo que o curso está aberto ao profesorado de todas as áreas.
CONTIDOS
1. ¿QUE ENTENDEMOS POR INVESTIGAR?.
A percepción de alumnos e profesores non sempre é a mesma.
É necesario coñecer as ideas preconcibidas dos estudantes antes de iniciar proxectos de investigación.
2. ¿QUE É UN TRABALLO DE INVESTIGACIÓN?.
En moitas ocasións non se ten unha idea clara. Presentaremos os distintos tipos de proxectos e os enfoques metodolóxicos que implican.
3. A MIÑA PRIMEIRA INVESTIGACIÓN. O MÉTODO CIENTÍFICO.
Todos os alumnos dos últimos cursos da ESO e Bacharelato coñecen a nivel teórico o método científico. Pero poucos deles o aplicaron. Antes de iniciar un proxecto, é interesante desenvolver “pequenas investigacións” que se levan a cabo nunha a sesión e permiten que o alumno adquira as destrezas básicas do investigador.
4. SELECCIÓN DE IDEAS PARA A REALIZACIÓN DE PROXECTOS.
Sen dúbida, un dos aspectos máis críticos á hora de levar a bo porto un traballo é que o tema sexa o adecuado. Por isto, valoraremos as problemáticas asociadas á elección.
●Que se axuste ás capacidades e coñecementos previos dos alumnos.
●Esperte interese e curiosidade.
●Dispoñamos dos recursos necesarios.
●Sexa viable tecnicamente.
●Ofreza resultados cuantificables.
5.¿COMO SE ESTRUTURA O TRABALLO DE INVESTIGACIÓN EN SECUNDARIA?
A grandes trazos, e con pequenas modificacións en función da área de coñecemento, existe un modelo xeneralizado a seguir. Veremos que implica cada apartado cando o adaptamos a os nosos alumnos.
1. Introdución.
2. Hipótese.
3. Metodoloxía (material e métodos).
3.1.-Asignación de significado e determinación dos valores e/ou categorías para as variables independentes.
3.2.-Deseño de utensilios experimentais e/ou dos documentos de recollida de información.
3.3.-Deseño do traballo de campo, documental e/ou de laboratorio.
3.4.-Desenvolvemento do traballo de investigación e recollida de datos.
4. Resultados e discusión.
5. Conclusións.
6. Bibliografía.
6. ¿QUE FUNCIÓNS TEN O TITOR?.
A principal responsabilidade do profesor é a dirección dos proxectos, e para isto é fundamental ter claras as funcións que lle corresponden e como afrontar as situacións que se van presentando a medida que avanza o proxecto. Analizaremos o difícil equilibro alumnos-titor e acoutaremos funcións.
7. EXEMPLO DE PROXECTOS XA REALIZADOS.
Sen dúbida, é de gran axuda dispoñer de modelos xa existentes. Veremos traballos xa finalizados e presentados a concursos e feiras que nos permitirán realizar unha análise crítica e valorar as problemáticas máis habituais que se producen durante a redacción da memoria.
8. ¿E AGORA QUE FACEMOS CON EL?.
Se queremos aproveitar todas as posibilidades educativas de embarcarnos nun traballo de investigación, debemos transmitir aos nosos alumnos a importancia de compartir o coñecemento e de saber comunicar o noso traballo. Para isto, dispoñemos da opción de presentalo tanto a concursos como a Feiras Científicas.
8.1. PRESENTACIÓN A CONCURSOS.
Existen gran cantidade de concursos aos que presentar o traballo. Presentaremos os principais existentes neste momento. 8.2.AS FEIRAS CIENTÍFICAS. GALICIENCIA.
Sen dúbida, unha das experiencias máis enriquecedoras para os estudantes é presentar o seu proxecto nunha feira científica. Para a participación, hai que preparar distintos aspectos, que van desde o deseño do stand á defensa oral. Como parte das actividades do curso, prepararemos o noso stand a escala e veremos as dificultades que implica para un alumno a defensa oral do proxecto.
●Preparación do proxecto.
●Redacción memoria e da documentación de inscrición.
●Defensa oral de proxectos.
●Galiciencia, unha oportunidade única para os nosos alumnos.
O curso é coordinado por David Ballesteros, profesor e titor de máis de 110 traballos de investigación levados a cabo por estudantes de secundaria de entre 12 e 18 anos durante os últimos 15 anos. Colaborador habitual do Parque Tecnolóxico de Galicia en proxectos de divulgación científica para mozos, é tamén socio activo de MAGMA, entidade que promove a investigación entre os mozos e que organiza a maior feira científica para mozos de España: A “Exporecerca Jove”. Contará coa colaboración como docentes de profesores cunha ampla experiencia educativa e no desenvolvemento de proxectos de investigación con estudantes.
Duración: 6 horas (3 horas/día).
Público: Docentes de Primaria/Bacharelato/Secundaria/FP.
Horario: 18h-21h.
Inscricións: sabela@tecnopole.es.
¿Cando e Onde?
CURSO DOCENTES_GALICIENCIA
Lugar - Datas - Centro/Entidade
ABRIL
San Cibrao das Viñas 13-14 abril Tecnópole
Celanova 20-21 abril IES de Celanova
Castro Caldelas 27-28 abril CPI Virxe dos Remedios
MAIO
Lugo 4-5 maio IES Xoán Montes
Sarria 6-11 maio IES Xograr Afonso Gómez de Sarria
Ribadeo 12-18 maio IES Dionisio Gamallo
Ferrol 19-20 maio IES Ferrol Vello
Pontedeume 25-26 maio IES Fraga do Eume
XUÑO
Vilagarcía 1-2 xuño IES Castro Alobre
Lalín 3-4 xuño IES Laxeiro
Vigo 8-9 xuño IES Santo Tomé de Freixeiro
Santiago 10-11 xuño IES Rosalía de Castro
E, relativo ás Galiciencias e á formación sobre proxectos de investigación, máis info.

Fallo do XVI Premio Luis Freire de Investigación Científica na Escola

Para información, corto e pego de http://prensa.mc2coruna.org/2015/03/fallo-del-xvi-premio-luis-freire-de.html
– A final celebrouse na Domus o 28 de febreiro de 2015.
– Os gañadores asistirán a feiras científicas como Galiciencia en Ourense ou a Exporecerca Jove de Barcelona.

Unha investigación sobre o papel dos carnívoros na dispersión das sementes do carnabudo no Courel, un proxecto tecnolóxico para mellorar a conservación dos alimentos combinando a refrixeración cos ultrasóns e un proxecto nunha aula de Primaria para comprobar se é verdade que a luz da lúa pon verdes as patacas obtiveron os primeiros premios nesta edición do certamen.

A fase final do Luis Freire tivo lugar na mañá do 28 de febreiro de 2015, na Domus, ante a presenza de numerosos compañeiros, familiares e amigos dos finalistas.

Os gañadores asistirán a feiras científicas como Galiciencia en Ourense ou a Exporecerca Jove de Barcelona.

Nesta XVI edición do Premio Luis Freire considerouse por primeira vez a modalidade de Investigación Tecnolóxica, dirixida a alumnos de Educación Secundaria Obrigatoria, Bacharelato e Ciclos Formativos. A esta categoría uníronse a de Investigación Científica en Educación Primaria, convocada a pasada edición por primeira vez, dirixida neste caso a profesores de Primaria, para proxectos de investigación desenvolvidos na aula cos seus alumnos; e a modalidade de Investigación Científica en Educación Secundaria, que dende hai 17 anos propón aos alumnos de Secundaria en Galicia a presentar preguntas ás que deben dar resposta mediante a experimentación ou o traballo de campo.

A continuación detállase o Fallo do Xurado:
Modalidade de Educación Primaria Obrigatoria:
Primeiro premio: ¿Es verdad que la luz de la luna pone verdes las patatas?, presentado por Mar Domínguez Pacheco, do CPI Vicente Otero Valcárcel de Carral.

Segundo premio: ¿Qué tipos de pan forman más rápidamente el moho y qué factores le influyen?, presentado por Elena López Nores, do CPR Val Inclán 1 de Ferrol.

Modalidade de Investigación Científica en Educación Secundaria Obrigatoria:
Primeiro premio: Que distancia poden dispersar ás sementes vos carnívoros?, presentado por Amanda Arza Carballo, Lluís Castro Potau, María Locay López e Sandra Vilariño Rodríguez, do CPI Poeta Uxío Novoneyra de Folgoso do Courel

Segundo premio: ¿Huele igual la misma colonia en diferentes personas?, presentado por Esther Criado, Nuria Reborido e Andrea Vázquez, do IES David Buján de Cambre.

Terceiro premio: ¿Pueden los videojuegos mejorar nuestra capacidad de concentración?, presentado por José Antonio Díaz Mayorca, Cristóbal Loira Lorenzo, Luis Uriarte e Beatriz Amanda Trillo Senín, do Colexio Internacional SEK-Atlántico de Poio.

Modalidade de Investigación Tecnolóxica en Educación Secundaria Obrigatoria, Bacharelato e Ciclos Formativos:
Primeiro premio: ¿Se puede diseñar y construir una "nevera" que con ultrasonidos inhiba el crecimiento de microorganismos y mejore la conservación de los alimentos?, presentado por Claudia Escapa Álvarez, de Aulas Tecnópole, Parque Tecnolóxico de Galicia

Segundo premio: Podemos deseñar un sistema electrónico de alerta temperá que nos permita minimizar vos efectos dás riadas sobre a poboación en risco?, presentado por Clara Mingyue López Piñeiro, Iria Ollero Cadilla e Paula Dosantos Lois, de Aulas Tecnópole, Parque Tecnolóxico de Galicia.

Terceiro premio:  A Coruña aumentada, A Coruña enriquecida, presentado por María Varela Bermúdez e Juan Carlos Cáceres Rodríguez, do IES David Buján de Cambre.

O Xurado estivo presidido por Francisco Franco del Amo, director técnico do Aquarium Finisterrae, e estivo constituído ademais por: Dña. Isabel Espiñeira Suárez, profesora do CEIP ponte dous Brozos de Arteixo. D. José Carlos Chas, director do Centro de Formación de Profesorado da Coruña, D. Óscar Cabeza Gras, profesor de Física da Universidade dá Coruña, Dña. Ana María Suárez Alfeirán, profesora do IES Calvo Sotelo e membro da Asociación de Amigos da Casa Ciencias e Dña. Beatriz Castro Suárez, profesora no CRA ponte dá Pedra de Carballo. Ángel Loureiro Pereiro, xefe de servizo dos Museos Científicos Coruñeses, actuou como secretario do xurado.

O XVI Premio Luis Freire de Investigación Científica para Escolares está convocado polo Concello da Coruña- Museos Científicos Coruñeses, en colaboración coa Asociación de Amigos da Casa das Ciencias e a Fundación Barrié a través da súa iniciativa educativa educaBarrié. Pretende fomentar o interese pola ciencia e a formación en actitudes científicas, e premia os participantes que se distinguen pola orixinalidade e o rigor das súas investigacións e proxectos, e que demostren sentido crítico, curiosidade e constancia.

Gozando da falsa ciencia

Fágome eco dunha protesta en relación á promoción de charlatanerías na televisión pública: http://www.cienciakanija.com/2015/02/01/rtve-promueve-la-pseudociencia e copio e pego:

La promoción de pseudoterapias y estafas varias en la televisión nacional es un hecho tan lamentable como extendido. Sin embargo, en ciertas ocasiones resulta tan flagrante y reiterativo que exige una movilización.
Esto es lo que pensaron los amigos de ¿Qué mal puede hacer? cuando, día tras días, veían como desde el programa “Saber Vivir“, integrado en Las Mañanas de La 1, la televisión pública nacional, se promovían terapias sin contrastado valor terapéutico.


Ante tal esperpento televisivo, decidieron enviar una queja formal al Defensor del Espectador, recabando firmas y adhesiones a su queja, tal como puede verse en su blog.
La queja, firmada por 549 personas y 17 colectivos, fue enviada al Defensor del Espectador, quien se comprometió a dar una respuesta en las ondas en la tarde de ayer.
El resultado no pudo ser más insatisfactorio, y hasta ofensivo, diría yo.
No se hizo mención explícita a la queja interpuesta, sino que, en lugar de esto, respondieron a la queja de otro televidente, Javier Prieto, acotada exclusivamente a la homeopatía.
Resulta evidente la manipulación y falta de respeto que mantiene el espacio “RTVE responde”, ninguneando una queja expuesta por tantas personas y colectivos, limitándose a responder someramente sólo uno de los aspectos, y sin realizar ninguna investigación sobre la materia ni el espacio que lo publicita.
Pueden verlo ustedes mismos en el video adjunto, alrededor del minuto 12:05

RTVE Responde – 31/01/14

Estimada Pilar León:

• No existe ese supuesto debate que ustedes llevan a la televisión. No, al menos, al nivel científico que se le presupone a una licenciada en farmacia. La homeopatía, en más de 200 años, no ha curado a nadie, no se sostiene a nivel teórico, contradiciendo todo lo que conocemos sobre química, física, biología, y medicina, y no existe ningún estudio serio que avale su terapia. También existen opiniones sobre que la Tierra es plana o que el holocausto judío no existió… ¿Van a llevar esos debates también a su programa? Como profesional, y más en un medio de televisión público, lo que debería es informar verazmente, no promover una estafa.
• Cuando usted dice, en alusión a los supuestos medicamentos homeopáticos, “que son medicamentos”, debería citar la legislación vigente:
  

  Artículo 56 Criterios que han de cumplir los medicamentos homeopáticos para registrarse por el procedimiento simplificado especial

  Para obtener el registro simplificado de un medicamento homeopático se tendrán que cumplir las siguientes condiciones:

a) Que su vía de administración sea oral o externa.
b) Ausencia de indicación terapéutica particular en la etiqueta o en cualquier información relativa al medicamento.
c) Que su grado de dilución garantice la inocuidad del medicamento, en particular, el preparado no deberá contener más de una parte por 10.000 de tintura madre ni más de una centésima parte de la dosis mas baja que eventualmente se emplee en medicina alopática de aquellos principios activos cuya presencia en un medicamento alopático implique la obligatoriedad de presentar receta médica.
Es decir, que un medicamento homeopático, que simplemente es el azucarillo más caro que le van a vender en su vida, debe indicar claramente que no tiene acción terapéutica, y simplemente debe garantizar la inocuidad. Vamos que el azucarillo no cause mal a nadie.

• Dice usted que las farmacias no pueden negarse a vender productos homeopáticos. ¿Seguro? A ver, a ver…

El enlace anterior hace referencia a la Farmacia Rialto, de Madrid. También debería usted decir que, a día de hoy, sólo hay 12 “medicamentos” homeopáticos autorizados en España, todos miembros de la familia Lycopodium, cuyo laboratorio titular en España es la empresa DHU, pese a que el producto no está comercializado. Así que sí, las farmacias sólo están “obligadas” a vender Lycopodium, sujeto a prescripción médica, un producto no comercializado en España, y sí, pueden negarse a vender homeopatía, y ser responsables con sus clientes indicándoles que les están estafando.

• Dice usted que si mañana se demuestra que no funcionan, dejarán de venderlos. Esta actitud demuestra una grave falta de profesionalidad por su parte, quitándose de la foto y convirtiéndose en una simple despachadora, en lugar de investigar las pruebas y ser honesta y responsable con su negocio y, principalmente, con sus clientes. ¿Qué más pruebas necesitan? ¿Hasta cuando se escudarán en argumentos falaces y mentiras para seguir promoviendo esta estafa?

Basta ya. Os ruego que deis máxima difusión a este texto, o a otros relacionados. Que si tenéis un blog, facebook, twitter o cualquier otra red social, expreséis vuestra queja. No servirá de nada, quizá, pero siempre nos quedará nuestro derecho al pataleo, y pienso ejercerlo.

Coñecemento, actualidade e futuro da Lúa segundo a ESA

Tomado de http://www.esa.int/spaceinvideos/Videos/2015/01/Destination_Moon:

Difundindo relatividade

Difundo á miña vez algo que chega difundido por Enciga:
En verbas do presidente da asociación,

"Envíovos dous enlaces para que podades disfrutar da representación que nos regalaron Xabier Prado Orbán e os alumnos e alumnas de 1º de Bacharelato do IES Pedra da Auga de Ponteareas no XXVII Congreso celebrado en Moaña.

A representación ten por título: Relatividade nas túas mans en 8 frases animadas.

No seguinte enlace podedes ver o vídeo e tamén diapositivas

https://sites.google.com/site/relatividadevisual/show_relatividade_nastuasmans/enciga_2014

Outra opción sería ver o video en YouTube, no seguinte enderezo: 

https://www.youtube.com/watch?v=IWLi5HllREQ

Pódovos decir que o vídeo tívome enganchado ata as tantas. Agora son as 6:00 am e estou a mandarvos o correo. Penso que tamén vos vai enganchar aínda que non sexa a horas tan tolas.

Gracias a Xabier, aos seus alumnos e aos seus fillos que grabaron e montaron as imaxes.

Paulino Estévez"

Que vos divirtades!

--

Esta entrada participa na edición de xaneiro de 2015 do Carnaval de la Física/antroido da física, en esta ocasión co blogue anfitrión http://icaraideas.blogspot.com.es/2015/01/bienvenidos-la-edicion-lix-del-carnaval.html

Hoxe, bo día

(Resume anual de 2012)

Primeiro día do ano, mañá clara, algo fría, pero espléndida. Por hoxe, só un resume de temperaturas da temperie ribadense do xa pasado ano 2014:
Como xa tiña anunciado, en Ribadeo o 2014 foi o máis cálido do século e o máis cálido do que se teñen medidas, a pesares de que o penúltimo día do ano, o 30 de decembro, foi o máis frío do período, acadándose na Pedro Murias -0,1 ºC.

O primeiro, a táboa co resume da maioría da información: agosto destaca como o mes tradicionalmente máis quente, e o ano 2014, con 14,70 ºC de media, bateu a marca do 2006.

A anterior é unha gráfica que representa a temperatura media de cada un dos anos representados, ata o día que corresponda. Vemos que o 2014 encaramouse á máxima das medias aló por setembro, incrementando a diferenza de temperaturas con outros anos ata mediados de novembro, e mantendo a distancia dende aquela. Case 0,2 ºC de diferenza de temperatura con outro ano é moito.

Esta gráfica representa as temperaturas medias anuais, destacando o 2014.

Se xa teño unha entrada na que destaquei que 2014 era un ano que tiña o máximo de días con máximas >25 ºC, o cambio climático en curso queda tamén apuntalado pola beira das mínimas: foi o ano con menor número de días con mínimas menores de 3ºC, baixando de media algo máis de 1 día ó ano con esa condición: entre os 26 días con menos de 3 ºC do 2005 e os tres do ano pasado hai unha diferenza considerable.

É curioso ver como varía a temperatura mes a mes, por termo medio. A gráfica anterior e a seguinte son equivalentes, dous xeitos de ver esa variación.

Por último por hoxe, dúas gráficas onde se ve a variación da temperatura media anual. O aumento é lento, parece non verse moi claro, pero se se botan as contas (gráfica final), a tendencia comeza a verse, subindo dúas centésimas de grao ó ano... o que non é en absoluto representativo a non ser que se integre na temperie global.

Hoxe, bo día, bo comezo do ano.
--
Nota 1: Esta entrada está tamén en http://ribadeando.blogspot.com.es/2015/01/hoxe-bo-dia.html
Nota 2: Esta entrada participa na edición de xaneiro de 2015 do Carnaval de la Física/antroido da física, en esta ocasión co blog anfitrión http://icaraideas.blogspot.com.es/2015/01/bienvenidos-la-edicion-lix-del-carnaval.html