No IES estamos afeitos a celebrar unha feira da ciencia e tecnoloxía cada ano, arredor do mes de abril, a “feira de abril”. Este ano da ciencia 2007 que colle polo tanto dous cursos, o 2006/2007 e 2007/2008, por primeira volta, celebrouse asemade unha segunda feira: a feira de outono, dentro das actividades da Semana da Ciencia en Galicia (nov, do 5 ó 19, creo), patrocinada mediante Diverciencia pola Dir. Xeral de I + D + i da Xunta de Galicia (4798€).
Entre as cousas que houbo que facer como complemento á feira debido ó patrocinio estivo unha enquisa que, entre outros resultados, deu unha apreciación media de 8,4 sobre 10 á hora de valorar se gustou ós visitantes ou non (táboa ó final). En xeral, as valoracións foron positivas, como por exemplo no caso da organización, resaltando o aspecto de atención ós visitantes.
Pero non só de enquisas vive a feira. Quen estivo alí puido disfrutar e sobre todo comprender máis algúns fenómenos explicables pola ciencia. E aumentar o seu interese pola explicación das cousas, vendo que calquera cousiña pode ser explicable: só hai que procurarlle a explicación (cousa que moitas veces non é tan sinxela).
O montaxe da exposición e o desmontaxe foi rápido. Máis lenta foi a realización de cada unha das experiencias e construcións que alí se puideron ver. Aínda que nalgún caso pode parecer moi sinxelo (poñamos, a demostración da influencia da tensión superficial na auga soportable por unha moeda), leva traballo detrás de preparación, procura de información, e realización. O saber din que non ocupa lugar, pero alomenos necesita tempo.
... Haberá máis, pero non hoxe.
![](https://blogger.googleusercontent.com/img/b/R29vZ2xl/AVvXsEij9hNagiiSsgzO_tYInUKXqMC1AV-FyviPmJM6ptvxAW9d_-yf5gbZKajM8HaD2QZJcMC5uNRAaEgX7pj-IHs4ibv06vrM5JzeGacqSg8airqXiWLkghEejlCG17D-KpHsxHMQ/s400/XIII_Feira_Ciencia_e_Tecnoloxia_outono_interior.jpg)
![](https://blogger.googleusercontent.com/img/b/R29vZ2xl/AVvXsEj8i0B9En2QfWtOgRiYHY3v9BWW4VS7poKF9QEReE_GsJKYU8EMMJrxyzWk6YPrnwuF3a35uM4Q-yAHEyMVAXLfZHEx2yCQpwZiQrK1gyy3P6DppxA7nfKqBHqwVEE9MmBuMS14/s400/feira_outono_2007_1.jpg)
![](https://blogger.googleusercontent.com/img/b/R29vZ2xl/AVvXsEjKxy3LQBMK2Ak3R4UGTIrghz4FOIlVgGVMxFKOxveCX-FMOSW2Ne4I-ECepzs4aeP8QJM1zV4SpmiKZ7ppHbMsAD75kR29a2ZG31IeoxMlOmCbJAFu8OIPHFi8g240ZcL_0sxf/s400/feria+outono+2007_reducida.jpg)
![](https://blogger.googleusercontent.com/img/b/R29vZ2xl/AVvXsEginj_VfKEaySBYb8LbYpFb3lYnbQYTXZQbnJ5MhSrfhgaqIAMFNVI2J3h2CBny1T8rHnM5KlpHGk6dnMQFGNqrrvl3CJT7CHHyAsHv37GxfjlL2MTgpC0qP4Q9AVMTiv0Y78YQ/s400/taboa+enquisa+feira.jpg)
Ningún comentario:
Publicar un comentario