Xogando con estes significados anda pola web unha serie de correos, dos que aporto o contido de dous para comentar.
Un deles leva o título da foto, 'A muller co mellor físico do mundo', e, naturalmente, xoga con que quen o recibga espere atoparse unha escultural beleza 'física', mentras que o que se atopa e unha muller con un físico. O físico está identificado, naturalmente, é Einstein. A muller, non sei. De aí que a subira cambiándolle o nome e poñéndolle o de 'Einstein acompañado'. Por certo, que como non sei a orixe da foto, só que xa a recibín por varios condutos diferentes por internet, se alguén sabe máis da foto (orixe, quen é a muller, mesmo licenza, ...) por favor, que me deixe un comentario.
![](https://blogger.googleusercontent.com/img/b/R29vZ2xl/AVvXsEjCqcXFk08wEPPtT0c1NOoDE9m0LBYBIUSoszP1BgDzMtrQ8wEdypbrBaszw03tZAn8g3hnuyk_EiqkCsLwBKL816NabhuXGFBumCx8swe69gZR2vbwaEhKzHkTrOakRWU4Ia2P/s400/Einstein+acompa%C3%B1ado.jpg)
O outro correo tamén vai de Einstein e unha muller. Neste caso, identificada: Marilyn Monroe. A foto bauticeina co nome de 'Marileinstein', porque me pareceu un nome evidente. Tampouco coñezo a orixe dos correos, pero si deixo a correspondente ilustración e un dos comentarios (engadindo eu cousas e traducindo), que me chegaron nun documento de texto:
Comeza mirando a ilustración dende o teclado. Logo, vaite alonxando pouco a pouco, mirándoa. Así verás como a figura de Einstein se vai transformando nunha figura feminina xa clásica, quedando claro a partir dos 3 m de distancia que tes fronte a ti unha foto de Marlyn.
![](https://blogger.googleusercontent.com/img/b/R29vZ2xl/AVvXsEgrnRnBtOGaJajxn8IITg46JEb9UAT7w8cMATB54jeGEfHE0UPHgRMMuAhdyD6AyfNWO0UJDK5iCx9Z-97vLebOmOIa9U38X-WTCtWtPOmz0-L37PeI2PduYa0g3fBkJ652XVko/s400/Marileinstein.jpg)
Ningún comentario:
Publicar un comentario